Kilimo cha Umwagiliaji na Ushirika

Utangulizi

Idara ya Kilimo, Umwagiliaji na Ushirika katika robo ya pili imetekeleza shughuli zifuatazo; Usambazaji wa pembejeo zenye ruzuku ya serikali, Kutoa ushauri wa kitalaamu juu ya kanuni bora za kilimo, kuratibu na kusimamia miradi inayo husiana na kilimo, kuandaa taarifa mbalimbali za kilimo na kuziwasilisha katika ngazi zinazohusika na kushirikiana na idara nyingine (maendeleo ya jamii, maliasili ardhi na misitu) Pamoja taasisi/mashirika ya RERAI na BTC katika kutekeleza masuala mtambuka.

USAMBAZAJI WA PEMBEJEO

Usambazaji wa pembejeo zenye ruzuku ya Serikali zilifika tarehe 3/12/2016 na kuanza kusambazwa vijijini tarehe 12/12/2016 baada ya mgao kwa vijiji 44 ndani ya Wilaya ya Kakonko uliofanywa na Kamati ya Pembejeo ya Wilaya. Katika mgao huo kila kijiji kilipata mgao wa mifuko arobaini (40) isipokuwa kijiji cha Nyakayenzi na Kinonko ambavyo vilipata mifuko sitini (60) kila kimoja. Gharama ya kuchangia toka kwa mkulima ni Shs.29,500/= kwa mfuko wa kilogram 50.

Hadi Kufikia tarehe 04/01/2017 jumla ya tani 77.45 (mifuko 1549), kati ya tani 90 (mifuko 1,800) za mbolea ya kukuzia (UREA) imefikishwa katika vijiji 42 kati ya vijiji 44. Vijiji vya Njomulole na Kihomoka bado.

Kihomoka; Mwenyekiti wa kamati ya pembejeo Wilaya ya Kakonko alikiondoa kijiji hiki katika kupata pembejeo kutokana na walengwa kukosa fedha za kuchangia (Shs.29,500/=) na kuamuru pembejeo hizo kupelekwa vijiji vya Kanyonza na Muganza vilivyopo ndani ya kata ya Kanyonza. Zoezi la Usambazaji bado linaendelea.

MAZAO;

• Mazao ya Chakula

Shughuli kubwa inayoendelea vijijini kwa mazao ya chakula (Mahindi, Maharage, Muhogo, Mpunga, Mtama, Karanga, Viazi vitamu, mboga na matunda) ni upandaji, palizi na kuweka mbolea ya kukuzia.

Hali ya mzao kwa kipindi hiki inatofautiana katika vijiji, kutokana na maeneo mengi kuwa na uhaba wa mvua, hivyo mazao mengi kuanza kunyauka ingawa katikati mwa mwezi Desemba mvua ilinyesha na kuleta matumaini kwa baadhi ya mazao.

Kutokana na hali hiyo, Halmashauri ilitoa tahadhari kwa wananchi juu ya uwezekano wa kuwepo kwa upungufu wa Chakula msimu huu na kuwashauri kutumia chakula kilichopo kwa uangalifu mkubwa na pia kupanda mazao yanayokomaa mapema na kuvumilia ukame kama vile Viazi vitamu, Mtama na Mihogo ili kukabiliana na upungufu huo wa chakula unaoweza kujitokeza.

• Mazao ya Biashara
• Pamba
• Kwa zao la pamba, shughuli iliyofanyika ni uuzaji wa mbegu za pamba kwa wakulima na upandaji, hamasa kwa wakulima juu ya kilimo cha Pamba kwa kutumia mikutano na ushauri wa wataalam wa kilimo na Viongozi.
• Changamoto zilizojitokeza ni pamoja kukoseka kwa mvua wakati wa majira ya kupanda, mkanganyiko juu ya utaratibu wa uuzaji wa mbegu za pamba aidha kwa wakulima kukopeshwa au kununua taslimu.
• Kwa Maelekezo ya bodi ya pamba ilikuwa ni kuuza mbegu hiyo kwa njia ya kukopesha au tasilimu, lakini muuzaji wa mbegu ambaye ni Kampuni ya KCCL (Kahama Cotton Company Ltd) baadaye hakuwa tayari kuuza mbegu kwa kuwakopesha wakulima na kuwataka wanunue tasilimu, hali iliyopelekea wakulima wengi kushindwa kununua mbegu msimu huu. Hata hivyo tuliiandikia Bodi ya Pamba Kutoa ufafanuzi juu ya hilo, Majibu tuliyopewa na bodi ni kwamba utaratibu ni kuwa wakulima watauziwa kwa njia ya kukopeshwa au fedha taslimu.
•  Tumbaku:
• Zao hili kwa ujumla husimamiwa na bodi ya Tumbaku kwa kutumia makampuni mbalimbali yasiyo ya kiserikali, hivyo  idara kupitia kitengo cha Ushirika na maafisa ugani hushirikiana na Makampuni hayo kutoa elimu kwa wakulima wa tumbaku kama ilivyo kwa mazao mengine.
• Kahawa:
• Shughuli inayoendelea kwa zao hili ni Palizi ya mashamba, pia kupanda/kuotesha miche mipya ya kahawa ambapo hadi sasa ushirika wa kahawa Muhange (MUCPA) wamepandikiza vikonyo/miche 600.
• Hali ya zao hili kwa sasa ni nzuri na hatua iliyofikia ni ya uzaaji na ikiwa hali ya hewa itaendelea vizuri tunatarajia kupata mavuno wastani wa kilo 40,600 (tani 40.6) za Kahawa. Usimamizi wa zao hili unaendelea kusimamiwa na chama cha msingi cha MUCPA.
• Pia Halmashauri ilifanywa mkutano na wakulima hao na kuunda Uongozi wa mpito baada ya Uongozi uliokuwepo kushindwa kufanya kazi vizuri na kusababisha kuzorota kwa shughuli za ushirika huu.
• Uzalishaji wa mbegu za Muhogo:
• Kwa zao la muhogo, Halmashauri inaendelea na uzalishaji wa mbegu za muhogo chini ya mradi wa SAKIP (Sustainable Agiculture Kigoma Region Project) chini ya shirika la BTC na  jumla ya tani kumi (10) za mbegu ya muhogo aina ya Mkombozi na ilisambazwa kwa vikundi vitano (5) vya wakulima na mkulima mmoja mmoja wakulima sita(6) na kupandwa katika jumla ya eneo la wastani wa ekari ishirini na tano (25) kama inavyo onesha hapa:-                                                       (Jedwali Na.2 hapa chini linaonyesha).
• Uzalishaji wa mbegu hizi utasaidia kukabiliana na tatizo la ugonjwa wa Bato bato kali na Michirizi Kahawia kwa kuwa mbegu hiyo haishambuliwi na magonjwa hayo.
• MKULIMA MMOJA MMOJA

•  
•  
• VIKUNDI VYA WAKULIMA

USAMBAZAJI WA MBEGU ZA MAHARAGE 

Halmashauri kupitia idara ya Kilimo, robo hii imesambaza mbegu za Maharage kwa kushirikiana na Kampuni ya   QFP (Quality Food Product) ya Arusha. Mbegu hizo ziliuzwa kwa utaratibu wa mkopo kwa kutanguliza nusu ya malipo ya fedha TSh.1000/=, ambapo bei halisi ya kilo moja ilikuwa TSh. 2000/= kwa kilo moja. Jumla ya kilo 21,200 sawa na tani 21.2 za mbegu ya maharage yaliyouzwa kwa wakulima 600 na kupandwa katika Ekari 848.

USIMAMIZI WA SHUGHULI ZA MRADI WA MIVARF. 

MIVARF (Markenting Infrastructure,Value addition and Rural Fainance Supporting Programme) ni Mradi unao shughulika na Mnyororo wa thamani wa zao la Mpunga katika Wilaya ya Kakonko. Mradi huu unasaidia kutoa mafunzo kwa wakulima juu ya Kuongeza thamani ya mazao (Value addition), Kuwaunganisha wakulima na Masoko (Market Linkage) na Huduma za Kifedha vijijini (Rural Finance). Utekelezaji wa mafunzo hayo hufanyika lengu kuu la Kuwajengea uwezo wakulima katika uzalishaji na kuwaunganisha na masoko. (Producer Empowerment and Market Linkage- PEML)

 Kazi zilizotekelezwa katika idara ya Kilimo ni Usimamizi wa kazi zinazotekelezwa na mtoa huduma (SP) wa MIVARF ambaye ni Shirika la RERAI. Kazi hii ilifanyika kwa kushirikiana na Kamati ya Usimamizi wa Mradi ya Wilaya;- Shughuli zilizofanyika ni pamoja:-

• Kutembelea vikundi vinavyotekeleza mradi wa MIVARF katika vijiji vya Nyamtukuza, Rumashi, Nyakayenzi na Kinonko na kufanya tathmini ya mafunzo yaliyotolewa.
• Kufanya vikao vya kawaida vya tathmini ya kazi za mtoa huduma
• Kuratibu kazi za mradi ngazi ya wilaya.
• Kuandaa taarifa za mradi na kuziwasilisha kwa ngazi ya Mkoa na MIVARF- Taifa.

Taarifa ilijadiliwa na kupokelewa.