Maliasili, Ardhi na Mazingira

Kitengo cha Maliasili na Hifadhi ya Mazingira kinatekeleza majukumu yake kupitia sekta za Maliasili na Hifadhi ya Mazingira. Shughuli za Idara ni pamoja na;

• Kukusanya maduhuli ya Halmashauri. Jumla ya TZS 10,279,000.00 zimekusanywa kama ushuru wa Halmashauri kutokana na mazao ya misitu.
• Kuhakikisha uwepo wa matumizi bora, endelevu na ulinzi wa kisheria wa maliasili unaimarika kwa kuwajengea uwezo wa kitaasisi katika ngazi za vijiji. Ambapo Kamati za Maliasili za Vijiji vya Kinonko na Kanyonza ziliundwa na kupata mafunzo ya usimamizi wa maliasili.
• Kusimamia Sera ya ufugaji nyuki ya mwaka 1998 ambapo Ofisi ya Maliasili ilipokea mizinga 24 ya kisasa (topbar hive) kutoka FAO na mizinga hiyo inapendekezwa kutundikwa  katika shamba darasa la Halmashauri ya Wilaya. Ili kuongeza ufanisi katika kujifunza kwa vitendo na kuboresha shamba darasa la Halmashauri.
• Kudhibiti matukio ya uchomaji moto katika misitu ya Vijiji na mashamba binafsi. Ambapo Vijiji vyote vilielimishwa juu ya sheria Mama na sheria ndogo ya Hifadhi ya mazingira juu ya moto kupitia barua na kufahamishwa kuwa hairuhusiwi kuanzisha moto bila kuwa na kibali ambacho kiliambatishwa kwenye barua hizo kwa lengo la kuwaelimisha wananchi kwenye mikutano ya hadhara.
• Kufanya taathimini ya eneo kwa ajili ya kuanzisha shamba la miti la mfano la Halmashauri ya Wilaya kwa kushirikiana na Halmashauri ya Kijiji na wadau wa mazingira DRC. Eneo limepatikana Kijiji cha Mugunzu lenye ukubwa wa hekta 75 kwa kukadria ambapo linaweza kupandwa miti isiyo pungua 120,000 kwa umbali wa (2.5 x2.5)m na Kamati za Maliasili ya kijiji pamoja na kamati ya usimamizi wa bustani ya miti na shamba tayari zimundwa kwa ajili ya kusimmia utekelezaji.
• Kuadhimisha Siku ya Mazingira Duniani(05.06.2022) ambayo ilifanyika Kiwilaya katika hospitali ya Wilaya ya Kakonko kwa kushirirkiana na wadau wa mazingira (DRC, REDESO na World vision Tanzania) shughuli za uhifadhi wa mazingira kama upandaji miti, usafi wa mazingira na maonyesho ya shughuli mbalimbali na mazao yatokanayo na shughuli hizo yalionyeshwa. (asali na nta, mkaa mbadala, majiko sanifu na vifaa vinavyotumika kutengenezea) pamoja na elimu ya uhifadhi wa mazingira ilitolewa kwa wananchi walioudhuria.

Pamoja na majukumu hayo, Kitengo inakabiliwa na changamoto mbalimbali kama ifuatavyo:-

• Uhaba wa watumishi katika sekta ya Wanyamapori. Kwa upande wa sekta ya Wanyamapori hali hairidhishi kwani sekta haina mtumishi hata mmoja.
• Uvamizi wa maeneo yaliyotengwa kama hifadhi za misitu ya Vijiji, misitu ya Halmashauri na maeneo ya umma kwa shughuli mbalimbali hasa kilimo cha kuhamahama.

Kitengo imeandaa mikakati ifuatayo kwa ajili ya kukabiliana na changamoto mbalimbali kama ifuatavyo:-

• Kuomba idhini ya watu wanaoomba kujitolea katika kazi ambazo hazitaathiri ufanisi wa Kitengo
• Kuendelea kutoa elimu ya uhifadhi katika maeneo mbalimbali ya vijiji ikiwemo kushirikisha Idara ya Kilimo na wadau mbalimbali katika kuhakikisha wakulima wanazingatia kilimo kinachojali hifadhi ya mazingira.
• Kuhamasisha vijiji viandae mipango ya matumizi bora ya ardhi ambayo itabainisha matumizi mbalimbali na kuhakikisha kwamba maeneo yaliyotambuliwa kama hifadhi kwenye mipango hiyo yanalindwa kwa mujibu wa sheria ndogo za vijiji.
• Kuendelea kuhamasisha vijiji kutenga misitu yake ya hifadhi.
• Kuwezesha uandaaji mipango ya usimamizi shirikishi wa misitu ya hifadhi ya vijiji pamoja na mipango ya uvunaji endelevu.
• Kuanzisha shamba la miti ya kupanda ya halmashauri katika eneo la Mtendeli.

 Ardhi.

4.4.1 Hali ya Upimaji wa Viwanja.

Katika kipindi cha miaka mitatu mfululizo jumla ya viwanja 503 vilikuwa vimekamilika hatua zote za upimaji kama ifuatavyo;

                         Chanzo: Idara ya Ardhi

4.4.2 Umilikishwaji na Uandaaji wa Hati Katika Mji wa Kakonko.

Kwa kipindi cha miaka mitatu mfululizo jumla ya hati 624 za kimila na 98 za kisheria zimetolewa kwa wanachi kama ifuatavyo;

Ardhi.

Katika kipindi cha miaka mitatu mfululizo, Wilaya imefankiwa kukusanya kodi ya ardhi kama inavyo onesha kwenye jedwali hapa chini.

Chanzo: Kitengo cha Ardhi

4.4.4  Migogoro ya Ardhi

Halmashauri imeendelea kutatua migogoro ya ardhi kila inapojitokeza ili kuhakikisha kwamba hakuna mgogoro mkubwa unaojitokeza wa kuhatarisha amani. Hata hivyo Halmashauri inaendelea na juhudi za kuandaa mipango ya matumizi bora ya ardhi ya vijiji ili kuzuia kutokea kwa migogoro ya ardhi.

Idadi ya migogoro ya Vijiji

 4.4.5 Mpango wa Matumizi Bora ya Ardhi

Halmashauri kwa ufadhili wa shirika la ENABEL imeandaa mpango wa matumizi bora ya ardhi katika vijiji saba (7) ambavyo ni Kazilamihunda, Juhudi, Kabare, Gwarama, Rumashi, Churazo na Nyabibuye. Mpango huu umefanyika kwa ngazi zote za Vijiji, Kata na Wilaya na kupitishwa na Kamishina wa ardhi.