Maendeleo ya Jamii

UTANGULIZI.

Idara ya Maendeleo ya Jamii ni idara mtambuka ambayo hufanya kazi zake kwa kushirikiana na idara zingine pamoja na mashirika binafsi yanayotekeleza shughuli zake hapa wilayani. Katika robo hii, idara imetekeleza shughuli mbalimbali zifuatazo;-

UTEKELEZAJI WA DHANA YA MAENDELEO YA JAMII

• Kutembelea vikundi 13 vya wanawake, vijana na watu wenye ulemavu kwa lengo la Kutoa ushauri na elimu juu ya matumizi sahihi ya mikopo, utekelezaji / uendeshaji wa miradi yao na usimamizi wa vikundi. Vikundi vilivyotembelewa ni pamoja na;-
• Vijana harakati – Muhange,
• Mwendo wa saa – Kiga,
• Kikundi cha walemavu – Kiga,
• Vijana Tuinuane – Muganza,
• Tumaini walemavu CBR Kakonko,
• Shauri moyo – Muhange
• Tumaini –Nyamtukuza
• Uweza – kabare
• Peace and love – Kakonko
• Kazi ni kazi – Kakonko
• Kazi na Maendeleo – Itumbiko
• Israfil- Kakonko
• Ubhumwe – Gwarama
• HALI YA UKOPESHAJI VIKUNDI

Katika robo hii halmashauri imetoa kiasi cha jumla ya mkopo wa Tsh.  47,819,770/= kwa vikundi vya wanawake 2, Vijana 3 na watu wenye ulemavu 1 ambapo Tsh. 20,000,000/= zinatokana na tengo la asilimia 10% ya mapato ya ndani na Tsh. 27,819,770/= zinatokana na marejesho ya mikopo kutoka vikundi vilivyokopeshwa.

Vikundi vilivyokopeshwa katika robo hii ni kama vifuatavyo;-

•  
• HALI YA MAREJESHO YA MIKOPO

Hali ya marejesho ya mikopo kutoka kwa vikundi vilivyokopeshwa na halmashauri ni nzuri na katika robo hii kiasi cha fedha za mikopo kilichorejeshwa kutoka kwa vikundi vilivyokopeshwa ni TZs. 27,110,000/=Vikundi vilivyorejesha mikopo katika robo hii ni kama vifuatavyo;-

Aidha vikundi vingine vinaendelea kurejesha mikopo kwa mujibu wa mkataba.

• UANDIKISHAJI NA URATIBU WA VIKUNDI NA NGOs

Katika kipindi cha robo hii, idara imesimamia na kuratibu zoezi la usajili wa vikundi vya wajasiriamali ambapo jumla ya vikundi 17 vimesajiliwa na kupatiwa vyeti vya utambuzi na vinaendelea na shughuli za uzalishaji mali.

Aidha katika robo hii, idara kwa kushirikiana na mashirika yasiyo ya kiserikali yanayotekeleza shughuli zao hapa wilayani ambayo ni shirika la World vision Tanzania, IOM, KIWOHEDE na CRS imeweza kushiriki katika kutekeleza shughuli mbalimbali kama inavyoonesha hapa chini;-

• Kutoa elimu ya kupinga ukatili kwa watoto ndani ya jamii na mashuleni ambapo kata 3 ambazo ni Mugunzu, Katanga na Kasanda na vijiji 9 na shule za msingi 11 zimefikiwa na takribani watu 6,513 wamefikiwa kati yao me ni 3,204 na Ke 3309.
• Kutoa mafunzo kwa Kamati za Ulinzi na Usalama wa wanawake na  Watoto (MTAKUWWA) katika ngazi Kata na Kijiji kutoka Kata za Kasanda, Katanga, Mugunzu, Gwarama, Nyabibuye, Kasuga, Rugenge, Muhange na Nyamtukuza .
• Kutoa elimu ya afya uzazi na masuala ya jinsia kwa vikundi 3 ambavyo ni Kumekucha – Mugunzu, Chimbuko la Maendeleo – Ilabiro na Makini Lishe – Kasanda.
• Kutoa elimu ya kupinga ukatili dhidi ya watoto hususani usafirishaji haramu wa binadamu, unyanyasaji unaotendeka majumbani katika Kata za Kanyonza, Kakonko na Kiziguzigu ambapo elimu hii imewafikia jumla ya watu 1,342.

Kufanya bonanza juu ya afya ya uzazi kwa vijana katika Kata ya Muhange ambapo wanafunzi wa shule ya sekondari Ndalichako walifikiwa.

URATIBU WA SHEREHE NA MAADHIMISHO MBALIMBALI YA KITAIFA NA KIMATAIFA

Katika robo hii idara kwa kushirikiana na shirika la World Vision Tanzania imeweza kuratibu Maadhimisho ya Siku ya mtoto wa Afrika ambayo Kiwilaya yalifanyika tarehe 16/06/2022 katika uwanja wa shule ya msingi Maendeleo iliyopo Kata ya Kakonko. Mgeni rasmi katika maadhimisho hayo alikuwa ni Katibu Tawala wa Wilaya ambaye alimwakilisha Mheshimiwa Mkuu wa Wilaya ya Kakonko. Viongozi wengine walihudhuria ni pamoja na;-

• Wakuu wa idara na vitengo kutoka ofisi ya Mkurugenzi
• Mwenyekiti wa CCM (w)
• Mh. Diwani wa Kata ya Kakonko
• Mh. Diwani wa viti maalum Kakonko
• Mkuu wa polisi Kakonko
• Dawati la jinsia polisi
• Walimu na wanafunzi kutoka shule za msingi Itumbiko, Kakonko, Chelaburo na  Kakonko sekondari
• Viongozi wa madhehebu ya dini
• Mkuu wa taasisi ya madini Kakonko
• Viongozi kutoka shirika la World Vision Kakonko na
• Viongozi kutoka shirika la Wasaidizi wa Sheria Kakonko (WASHEKA)

Zifuatazo ni shughuli zilizofanyika wakati wa maadhimisho hayo;-

• Maandamano ya watoto na wazazi waliokuwa wamebeba mabango yenye jumbe mbalimbali za kupinga ukatili dhidi ya watoto,
• Elimu ya kupinga ukatili wa kijinsia ilitolewa kupitia vikundi mbalimbali vya burudani,

• Kupokea salamu mbalimbali kutoka kwa mashirika yasio ya kiserikali yaliyokuwepo
• Kusikiliza risala iliyoandaliwa na  kusomwa na wanafunzi (watoto)

• Kupokea taarifa ya utekelezaji wa shughuli ya utoaji wa elimu mashuleni juu ya kupinga ukatili dhidi ya watoto iliyofanyika wiki moja kabla ya maadhimisho hayo.
• Kusikiliza Hotuba ya mgeni rasmi iliyokuwa na msisitizo kwa wazazi/ walezi na jamii kwa ujumla juu ya kutimiza wajibu wa kuwalea na kuwalinda watoto dhidi ya vitendo viovu.