Maporomoko haya yanapatikana katika mto mgembezi katika kijiji cha Nyakayenzi kitongoji cha Bizibirinzamba B. Maporoko haya ni kivutio kikubwa cha utalii wa ndani na hata kwa wageni wa naofika katika Wilaya ya Kakonko kwenda kutalii na kuburudika.

Mapango ya asili

Pango la Nyabubindi [Kasanduka]

Pango hili ni la asili na lina ukubwa kiasi cha kuingia watu takribani 50 kwa wakati moja. Pango hili linapatikana katika eneo la mlima Nyamiyaga kitongoji cha Bulembo kijiji cha Nyabibuye Kata ya Nyabibuye. Pango hili ni kivutio cha utalii cha asili kwa Watalii wa ndani na wageni wanaofika katika Wilaya ya Kakonko kwenda kujionea na kufurahi.

Pango la Kikulazo

Pango hili lipo katika kijiji cha Nyakayenzi kitongoji cha Bizibirinzamba B karibu na maporomoko ya mto Mugembezi. Pango hili linaweza kuingiza watu zaidi ya 15 kwa wakati moja.

Pango la Kibika 

Kitongoji cha mgembezi kijiji cha Kabare katika milima ya Kibika. Pango hili lina ukubwa wa kuingia watu takribani 20 kwa wakati mmoja. Pango hili lina vitu vya asili vinavyoashiria historia kama michezo ya bao. Pango hili ni kuwa kivutio kikubwa kwa watalii wa ndani na nje.

Pango la Ruvumela

Pango hili lipo katika kitongoji cha Ruvumela katika kijiji cha Kabare karibu na Mto Mugembezi. Awali pango hili lilitumika kama sehemu ya kufanyia ibada za asili kama matambiko kuomba mvua au hata mabalaa mengine yanayoikumba jamii yaweze kuondoka hivyo ni moja ya kivutio cha utalii.

Mahakama ya Mwanzo Kakonko

Jengo la Mahakama ya mwanzo Kakonko linasadikiwa kujengwa miaka ya 1920 wakati wa utawala wa kikoloni wa Wajerumani nchini. Jengo hili kwa sasa limekarabatiwa na hivyo kuonekana kama jipya, hata hivyo linabaki kiwa kivutio kikubwa cha utalii kwa watu kwenda na kupata simulizi zake na kujifunza mengi kutokana na historia yake.

Nyumba ya Historia ya Ufalme wa WAHA

Kama zilivyo tamaduni zingine kuwa na historia ya tawala za kifalme, Kabila la Waha wana historia ya kuwa na utawala wa kifalme [UMWAMI] kabla ya kuja kwa Wakoloni. Historia hii inapatikana katika kijiji cha Itumbiko. Historia hii imehifadhiwa na watalii wanaweza kufika kujionea zana za asili za kabila la Waha kama pinde na mishale, mikuki na tamaduni za mavazi (Mpuzu).

Nyumba ya Historia ya Ufalme wa WAHA

3.0   Fursa za Uwekezaji  

Wilaya ya Kakonko imejaliwa kuwa na rasilimali nyingi za asili ambazo hazijawekewa uwekezaji wa kutosha kutokana na sababu mbalimbali ikiwemo ukosefu wa mitaji ya uwekezaji mkubwa na wa ngazi ya kati.

3.1 Kilimo

Aidha Wilaya ya Kakonko imejaliwa kuwa na hali nzuri ya hewa inayowezesha uwekezaji kuwa mzuri. Ustawi na rutuba nzuri ya udongo uliopo Kakonko hustawisha mazao mbalimbali ya biashara na chakula ikiwemo Pamba, tumbaku, alizeti, mpunga, dengu, mahindi, maharage mtama, mihogo viazi na mihogo.

3.2 Mifugo

Pia mazingira rafiki pamoja na hali nzuri ya hewa inawezesha ustawi wa mifugo, kama ufugaji wa ngombe, mbuzi, kondoo, kuku, nguruwe na sungura.

3.3 Hoteli na Migahawa

Halmashauri ya wilaya ya Kakonko imeendelea kujiimarisha kwani kuna nyumba 37 kwa ajili ya kuhifadhi wageni wa kutoka ndani na nje ya Wilaya kwa wakati mmoja. Nyumba hizo ni za viwango cha kati na za kawaida ambazo zinaweza kukidhi mahitaji ya wageni wa aina mbalimbali.  Aidha kuna migahawa ya kutosha na yenye kuvutia inayoweza kutoa huduma ya chakula kizuri kwa wageni mbalimbali.

3.4 Stendi ya Kisasa

Wilaya ya Kakonko ipo katika hatua za mwisho za kumalizia ujenzi wa stendi ya kisasa katika eneo la Kakonko mjini, barabara ya kuelekea Kibondo. Katika eneo la stendi kuna uwekezaji mzuri wa benki, migahawa, maduka ambayo yatatumika kutoa huduma za usafiri na bidhaa mbalimbali kwa Watalii na jamii kwa ujumla.

3.5 Ardhi iliyotengwa kwa uwekezaji

Wilaya ya Kakonko imetenga jumla ya Ekari 50 katika maeneo ya Ibuga na Kiziguzizgu kwa ajili ya uwekezaji. Hivyo hakuna usumbufu kwa mwekezaji kupata ardhi hususani kwenye shughuli za utalii.

3.5 Maeneo ya makumbusho

Wilaya ya Kakonko ina nyumba aliyowahi kuisha Mwalimu Nyerere katika Kata ya Mugunzu. Pia Kuna nyumba aliyokuwa anaishi Chifu (Chifu wa Buyungu) katika Kata ya Kakonko.

3.6 Upatikanaji wa Nishati

Kwa upande wa nishati, karibu vijiji vyote vina umeme chini ya mpango wa wakala wa umeme vijijini (REA) huku huduma za mitandao ya mawasiliano ya simu zikiwa ni nzuri zinazotolewa na makampuni nya TTCL, Vodacom, Tigo, Aitel, Halotel.

4.0 Hitimisho

Kwa ujumla fursa za uwekezaji katika Wilaya ya Kakonko ni kubwa hivyo tunawakaribisha wawekezaji wa ndani na nje kuja kuwekeza   katika ili kwa pamoja kuweza kuinua uchumi na kuchangia maendeleo ya kiuchumi na kijamii nchini hususani katika Nyanja za utalii.