Mifugo na Uvuvi

1.0 UTANGULIZI

Pamoja na shughuli za ushauri kwa wafugaji, kazi nyingine zilizofanyika ni pamoja na kutoa chanjo,matibabu,huduma ya ukaguzi wa nyama na ushauri juu ya ufugaji bora wa samaki kwa kutumia mabwawa.

1.1 HALI YA MIFUGO

 Kwa kipindi chote cha robo hii hali ya Mifugo ilikuwa nzuri kwa baadhi ya Kata ukiondoa Kata za Kasuga, Muhange, Nyabibuye na Nyamtukuza ambapo kulikuwa na ugonjwa wa Chambavu, Kata zingine kulikuwa na matukio machache ya magonjwa yaliyojitokeza.

2.0 KAZI ZILIZOFANYIKA 

• Utambuzi wa magonjwa, ufuatiliaji, utoaji kinga na tiba.

Ukaguzi wa afya ya Mifugo.

Ukusanyaji wa takwimu mbalimbali za Mifugo na Uvuvi.

Ukusanyaji wa sampuli kwa ajili ya uchunguzi wa magonjwa ya Mifugo,ambapo magonjwa kama vile Chambavu(BQ), Ugonjwa wa kutupa mimba (Brucellosis) na Ndigana kali (ECF) yaligundulika kuathiri mifugo hususani Ng’ombe.

• Uhamasishaji wa wafugaji katika Kata za Nyabibuye,Muhange,Gwarama na Kasuga kwa ajili ya maandalizi ya kinga dhidi ya ugonjwa wa Chambavu
• Mafunzo kwa wafugaji wa samaki na wajumbe wa Serikali za Vijiji (Kazilamihunda, Gwarama na Nyabibuye) juu ya sheria na kanuni ya uvuvi
• Kutembelea wafugaji wa samaki katika vijiji vya Kazilamihunda, Kasanda, Nyagwijima, Nyabibuye, Gwarama na Nyakiyobe na kuwapa ushauri juu ya ufugaji bora wa samaki.
•  

3.0    CHANJO YA MIFUGO

Takwimu za mifugo iliyopatiwa chanjo dhidi ya magonjwa tofauti ni kama ifuatavyo kwenye jedwali hapa chini;-

MIFUGO ILIYOCHANJWA KWA ROBO YA PILI.

4.0 MIFUGO ILIYOCHINJWA NA KUKAGULIWA KWA AJILI YA KITOWEO.

Mifugo aina tofauti kama ilivyoorodheshwa hapa chini ilichinjwa kwenye kipindi cha robo ya pili ya mwaka wa fedha 2016/17. Baada ya zoezi la ukaguzi wa nyama, viungo vifuatavo vilitupwa, matumbo 88,Maini 62 na Figo 2 (MBUZI) Ng’ombe maini 33,Nguruwe Figo 2 hii ni baada ya  kuoonesha hitilafu  na nyama safi iliruhusiwa kwa matumizi ya binadamu bila masharti.

4.1 MAPATO YATOKANAYO NA MIFUGO

Ushuru wa machinjio na ada ya ukaguzi wa nyama,mapato hayo yalikusanywa na watendaji wa Kata na Vijiji katika maeneo husika kama inavyoelekezwa na Idara ya Fedha kwa viwango tofauti kwa wanyama waliochinjwa.Hivyo fedha iliyokusanywa tokana na wanyama waliochinjwa ni Tshs. 6,911,000/=

5.0 MATIBABU KWA MIFUGO KWA ROBO YA PILI 2016/17

Matibabu ya mifugo ndani ya Wilaya yalihusisha wanyama tofauti kama ilivyotolewa taarifa toka vijiji tofauti kama inavyoonesha hapa chini kwenye jedwali:-

6.0 KUOGESHA

Kuna jumla ya majosho 5 ndani ya Wilaya na yote hayafanyi kazi kwasababu ni mabovu/yanavuja, hivyo wafugaji hutumia bomba za mkono kuogesha wanyama wao, takwimu ya wanyama walioogeshwa na kutolewa taarifa ni kama ifuatavyo hapa chini;-

7.0 SEKTA YA UVUVI.

Taarifa hii inahusu shughuli zote zilizofanyika katika kitengo cha Uvuvi kwa kipindi cha robo ya pili ni kama ifuatavyo;-

• Kutoa ushauri juu ya ufugaji bora wa Samaki kwa njia ya mabwawa
• Kutoa mafunzo kwa wafugaji wa samaki na wajumbe wa Serikali za Vijiji (Kazilamihunda, Gwarama na Nyabibuye) juu ya sheria na kanuni ya uvuvi. Mahudhurio ilikuwa kama ifuatavyo:-
• -Kazilamihunda Me 27, Ke 23
• -Gwarama        Me 39, Ke 19
• -Nyabibuye       Me 34, Ke 16
• Kutembelea wafugaji wa samaki katika vijiji vya Kazilamihunda, Kasanda, Nyagwijima, Nyabibuye, Gwarama na Nyakiyobe na kuwapa ushauri juu ya ufugaji bora wa samaki.
•  
• Katika kipindi hiki bwawa moja limechimbwa katika Kijiji cha Nyagwijima na Mabwawa mawili yamefufuliwa katika Kijiji cha Kasanda.
•  
•  

8.0 IDADI YA MABWAWA YA SAMAKI

Kuna jumla ya mabwawa ya samaki 31, kati ya hayo mabwawa 19 yamepandwa vifaranga vya samaki na 12 hayajapandwa kama inavyoonyesha kwenye jedwali hapo chini. Hata hivyo juhudi zinafanywa na Halmashauri kupata wahisani, kuhamasisha wana vikundi na wafugaji binafsi ili kupata vifaranga kwa mabwawa hayo ambayo hayajapandwa.

9.0 CHANGAMOTO.

• Upatikanaji wa chanjo ya Mifugo. Chanjo kugharimiwa na wafugaji wenyewe hupelekea baadhi ya wafugaji kujitafutia dawa za chanjo bila kufuata utaratibu na njia sahihi za utunzaji wa chanjo hususani chanjo ya Ugonjwa wa Chambavu kwa Ng’ombe na hatimaye kusababisha matatizo kwa mifugo badala ya kutatua tatizo. Hata hivyo Mikutano na wafugaji inafanyika ili kuagiza na kuhifadhi chanjo kupitia Idara ya Mifugo na Uvuvi.
• Ukosefu wa fedha kwa ajili ya kununua vifaranga vya kupandikiza kwenye mabwawa mapya.Hata hivyo jitihada zinafanyika ili kupata vifaranga kwa kushirikisha Wahisani kama World Vision na Vikundi kuweka mkakati wa kuchangia ili kupata fedha za kununulia vifaranga.

Upungufu wa watumishi unasababisha wafugaji kutofikiwa ili kupata huduma za ugani inavyopaswa.

     10.0 MIKAKATI YA KUBORESHA MIFUGO NA UVUVI

Kutoa chanjo kwa mifugo ili kuzuia magonjwa ya kuambukiza hasa chanjo ya Chambavu na mdondo.            

Kuendelea kutoa mafunzo kwa vikundi vya wafugaji samaki.

Kusimamia mapato yatokanayo na mifugo.

Kuendelea kutoa mafunzo kwa wafugaji ili wafuge kibiashara.