MKURUGENZI WA ELIMU OR-TAMISEMI ASISITIZA MIRADI YA BOOST KUKAMILIKA IFIKAPO AGOSTI 13,2023.

Imetumwa: July 29th, 2023

Mkurugenzi wa Usimamizi wa Elimu OR-TAMISEMI Ndugu Vicent Kayombo, ametembelea na kukagua miradi ya Elimu inayotekelezwa Wilayani Kakonko kupitia mradi wa BOOST na kusisitiza ifikapo  Agosti 13, 2023, miundombinu yote ya madarasa na vyoo iwe  imekamilika na kuanza kutumika.

Amesema hayo leo Julai 29,2023 Katika ziara yake Wilayani Kakonko alipotembelea na kukagua miradi ya Elimu inayoendelea kutekelezwa kupitia mradi wa BOOST.

Katika Ziara hiyo ametembelea mradi wa Shule Mpya ya Kazilamihinda yenye ujenzi wa Madarasa (09), Jengo la utawala na matundu ya vyoo (21) kwa gharama ya Tshs. 361,500,000/= na Ujenzi wa Madarasa manne (04) Shule ya Msingi Kigarama Ofisi mbili (02) za Walimu pamoja na Matundu ya Vyoo (05), kwa gharama ya Tshs. 110,600,000/=, aidha ametembelea ujenzi na ukarabati wa Bweni Shule ya Sekondari Amani Mtendeli.

Aidha ndugu Vicent Kayombo, amemuhimiza Mkurugenzi Mtendaji wa Halmashauri ya Wilaya ya Kakonko  kusimamia fedha zilizoletwa na Serikali katika utekelezaji wa miradi ya maendeleo ili kuhakikisha miradi hiyo inatekelezwa katika ubora na viwango vinavyohitajika.

Hata hivyo ndugu Kayombo ameridhishwa na namna  miradi inavyotekelezwa na katika kikao amewahimiza walimu kufundisha  kwa bidii na  kusimamia wanafunzi kwa umahili ili kuhakikisha wanafunzi wote wa darasa la kwanza wanajua kusoma, kuandika na kuhesabu pia kuendelea kusimamia lugha ya kigereza kwa wanafunzi na waalimu shule za Sekondari ili kuwa na ufaulu mzuri.

Kwaupande wake Kaimu Mkurungezi Mtendaji wa Halmashauri ya Wilaya ya Kakonko, Dr.Godfrey Kayombo, amempongeza Mkurugenzi wa Elimu OR-TAMISEMI kwa kutembelea miradi hiyo nakuahidi kutekeleza maelekezo aliyoyatoa na  kusimamia miradi hiyo.